Kommunit nalunaarsuiffiannit tingusat

Meeqqanut tapiissutinut nalunaarsuutit tunngaviusut KIMIK IT A/S-imit tiguneqarput. Taamaattumi kisitsisit siornatigut saqqummiunneqareersimasunit annikitsumik nikingalaarsinnapput.

 

Uuttuutit atorneqartut

Nalunaarsuiffimmi uuttuutit atorneqartut pingaarnerit tassaapput:

 

·            Tapiissutinik pisartagallip inuttut-normua

·            Meeqqap inuttut-normua

·            Isertitat

·            Ulloq tapiissuteqarfik (ulloq, qaammat aamma ukioq)

·            Tapiissutigineqartut annertussusaat (aningaasat koruuninngorlugit)

 

Kisitsisitigut paasissutissat aaqqissuunneri

Nalunaarsuutit tunngaviusut allaffissorluni nalunaarsuiffinninngaanneerput, kisitsisitigullu paasissutissiinermut atortussiatut ineriartortitaanatik, taamaattumillu nalunaarsuutit tunngaviusut suliareqqillugit misissorlugillu suliaapput.

 

Nalunaarsuutinik misissuineq

Meeqqanut tapiiffigineqartartut nalunaarsorsimasut tapiiffigitereernerup aammalu tapiissutinik utertitsereernerup kingorna, aaqqiisoqareerneraniluunniit tapiissutaasimasut amerlassusaat 0-lumiippata naatsorsuutini ilaatinneqanngillat. Kommunit naatsorsuutaannit aammalu kommunini tapiissutigineqarsimasunut naatsorsuutaannit uani saqqummersitami annikitsumik allaanerussuteqartoqarnera nalunaarsuutinik atorneqartunik misissuinerup takutippaa. Kommunit naatsorsuutaanni kisitsisinilu paasissutissani matumani qaammatini siuliini tapiissutigineqarsimasut ilaasinnaapput, assersuutigalungu meeqqanut tapiissuteqartoqareersimanerani akiliinerit.